სასტუმრო "რედისონში" ჭიდაობის ფედერაციის ყრილობა მიმდინარეობს. პროცესი დაგვიანებით, დაახლოებით ერთი საათის წინ დაიწყო და ყრილობის ფარგლებში ჭიდაობის ფედერაციის პრეზიდენტობის კანდიდატებმა საკუთარი პროგრამები უნდა წარმოადგინონ.

ამის შემდეგ დაიწყება ხმის მიცემის პროცედურა. ახალი კანონის მიხედვით, ხმის მიცემის უფლება აქვს ყველას, ვინც კლუბს დაარეგისტრირებს. სწორედ ეს წესი გახდა დაპირისპირების და ხმაურის მიზეზი.

ჭიდაობის ეროვნული ფედერაციის პრეზიდენტობისთვის ამჟამად 3 კანდიდატი იბრძვის. ერთი ფედერაციის მოქმედი პრეზიდენტი, ოლიმპიური ჩემპიონი მანუჩარ კვირკველია, მეორე ესტატე გოგლიჩიძე, ხოლო მესამე გეგა გეგეშიძეა. მეთხე კანდიდატი – დავით გობეჯიშვილი- საარჩევნო მარათონს პროტესტის ნიშნად გამოეთიშა.