ანსამბლ ‘’შავნაბადას’’ მეცხრე აუდიოალბომის პრეზენტაციას "თი-ბი-სი გალერეას" საგამოფენო სივრცემ უმასპინძლა. ალბომში შევიდა საგალობლები და ფოლკლორული ნაწარმოებები.

საღამოზე "შავნაბადას" წევრებმა გასული წლის პროექტებიც წარმოადგინეს. ღონისძიების ფარგლებში შესრულდა 15 –მდე კომპოზიცია.

ანსამბლი 2015 წელს შეიქმნა. ამ ხნის განმავლობაში "შავნაბადამ" მრავალი პროექტი განახორციელა, მათ შორის საგალობლების სასკოლო ალბომის გამოცემა და რეგიონებში სალოტბარო სკოლების დაარსებაა.