განათლებისა და მეცნიერების სამინისტრომ 2014-2016 წლებში პროფესიული განათლების სფეროში განხორციელებული რეფორმის შედეგები წარმოადგინა.

შემაჯამებელ კონფერენციაზე განხილული იყო 3 წლის განმავლობაში მიღწეული პროგრესი. ასევე ახალი პროექტები, არსებული ტენდენციები და მომდევნო წლების პრიორიტეტები.

ამ მიმართულებით დაინტერესება სულ უფრო იზრდება. ბოლო ოთხი წლის განმავლობაში 150-მდე განახლებული პროგრამითა და სრული სახელმწიფო დაფინანსებით 42 ათასამდე პირმა მიიღო პროფესიული განათლება.