საქართველოს თავდაცვის სამინისტროს დელეგაცია ოფიციალური ვიზიტით აზერბაიჯანში იმყოფება. ლევან იზორიამ პირველი შეხვედრა აზერბაიჯანის პრეზიდენტ ილჰამ ალიევთან გამართა, ასევე შეხვდა ქვეყნის პრემიერმინისტრსაც.

მხარეებმა კიდევ ერთხელ ხაზი გაუსვეს საქართველოსა და აზერბაიჯანს შორის არსებული სტრატეგიული და მეგობრული ურთიერთობების მნიშვნელობას.

ლევან იზორიას თქმით, საქართველოს, აზერბაიჯანის სახით, საიმედო მეზობელი ჰყავს. ხალხებს შორის მრავალსაუკუნოვანი მეგობრობა, კეთილმეზობლური ურთიერთობები და სტრატეგიული პარტნიორობა კი რეგიონში სტაბილურობის განმტკიცების გარანტიაა.