ბათუმსა და ხელვაჩაურში 12 ათასი აბონენტი ამ დრომდე ბუნებრივი აირის გარეშეა დარჩენილი. როგორც "სოკარ ჯორჯიაში" განაცხადეს, ტექნიკური ჯგუფები 24-საათიან რეჟიმში მუშაობენ და გაზის მიწოდება დღის განმავლობაში სრულად უნდა აღდგეს.

გუშინ ბუნებრივი აირის მიწოდება ბათუმსა და ხელვაჩაურს სრულად შეუწყდა, აბონენტების რაოდენობა 50 ათასს აღწევდა. მიზეზად ცენტრალურ მილსადენზე შექმნილი ავარიული მდგომარეობა დასახელდა. სასწავლო პროცესი შეწყდა ყველა იმ სკოლასა და საბავშვო ბაღში სადაც გათბობა ბუნებრივ აირზეა დამოკიდებული.