ჭიდაობის ეროვნული ფედერაციის პრეზიდენტად 46 ხმით გეგა გეგეშიძე აირჩიეს. 24 ხმა მანუჩარ კვირკველიამ, სამი ხმა ესტატე გოგლიჩიძემ მიიღო, ხოლო ერთი ხმა, ტექნიკური ხარვეზის გამო, ბათილად სცნეს.

არჩევნები საანგარიშო-საარჩევნო ყრილობის დასრულების შემდეგ გაიმართა. რეგისტრაცია 81-დან 73-მა დელეგატმა გაიარა. ხმაური და დაპირისპირება სწორედ დელეგატების სიას მოჰყვა, თუმცა საბოლოოდ ყრილობამ შედეგები ლეგიტიმურად ცნო.

ჭიდაობის ეროვნული ფედერაციის პრეზიდენტობისთვის სამი კანდიდატი იბრძოდა. ფედერაციის მოქმედი პრეზიდენტი, ოლიმპიური ჩემპიონი მანუჩარ კვირკველია, ესტატე გოგლიჩიძე და გეგა გეგეშიძე. მეოთხე კანდიდატი, დავით გობეჯიშვილი საარჩევნო მარათონს საკუთარი სურვილით გამოეთიშა.