საფინანსო კომპანია „საქართველოს“ საქმეზე ბრალდებულების ადვოკატი შინაგან საქმეთა სამინისტროსა და სასამართლოს მიმართავს.

თამარ წერეთელი აცხადებს, რომ კომპანიის მიერ დაზარალებული პირები მის მიმართ ზეწოლასა და მუქარას ახორციელებენ, რის გამოც ადვოკატმა ბრალდებულების მერაბ ფერაძისა და თამაზ ლობჟანიძის დაცვაზე, შესაძლოა, უარი განაცხადოს.

წერეთელი ამბობს, რომ სასამართლო პროცესის დასრულების შემდეგ, მას პოზიციის დაფიქსირების საშუალება დაზარალებულებმა არ მისცეს, რის გამოც საქმის ცალმხრივად გაშუქება მოხდა.

საქალაქო სასამართლომ საქმეზე ბრალდებულ ორ პირს აღმკვეთი ღონისძიების სახედ პატიმრობა შეუფარდა. ადვოკატის განცხადებით, ის სასამართლოს გადაწყვეტილების სამოტივაციო ნაწილს ჯერ არ გაცნობია.