პარტია „ახალი საქართველოს” ლიდერ გიორგი ვაშაძის ინფორმაციით, გაზაფხულზე ფინანსთა მინისტრის თანამდებობიდან გადაყენება იგეგმება.

როგორც ვაშაძე აცხადებს, აღნიშნული ინფორმაცია მას სანდო წყარომ მიაწოდა.

მისი განმარტებით, ქუმსიშვილის გათავისუფლების მიზეზი იქნება ის, რომ ლარის გაუფასურებისა და ეკონომიკური განვითარებისთვის შემუშავებული გეგმა არ გაამართლებს.

ასევე, ვაშაძე ეროვნულ ბანკს მიმართავს. მისი მოთხოვნაა, ბანკმა კომპანიების მიერ განხორციელებული მსხვილი ტრანზაქციების შესახებ ინფორმაცია გაასაჯაროოს.

„ახალი საქართველოს" ლიდერი აცხადებს, რომ პროტესტის ნიშნად აქციები და სხვადასხვა უწყებების პიკეტირება თებერვლიდან დაიწყება.