ევგენი კოჟოკინის დოკუმენტური ფილმის პრემიერა გრიბოედოვის თეატრში. „რუსები და ქართველები”,- ასე უწოდა რეჟისორმა ფილმს, რომელიც ოთხი ნოველისგან შედგება. მასში მოთხრობილია საქართველოში მცხოვრები რუსებისა და მოსკოველი ქართველების ისტორიები.

სურათის გმირებს შორის არიან ყველასათვის კარგად ნაცნობი მხატვარი ოლეგ ტიმჩენკო და გამოჩენილი ქართველი ფილოსოფოსი მერაბ მამარდაშვილი.

ფილმი ეკრანებზე 2016 წელს გამოვიდა, მისი პრეზენტაცია უკვე გაიმართა მოსკოვში, ნიჟნი ნოვგოროდში, პრაღასა და ვარნაში.