დეკემბერი 19, 2016
89
ჩეჩნეთის დედაქალაქ გროზნოში ანტიტერორისტული ოპერაცია დასრულებულია, – ამის შესახებ განცხადება რესპუბლიკის ლიდერმა გააკეთა.
რამზან კადიროვის თქმით, შვიდი თავდამსხმელი მოკლულია, ოთხი კი დააკავეს. გავრცელებული ცნობით, შეიარაღებული ადამიანები პოლიციის შენობას დაესხნენ თავს და ავტომობილი გაიტაცეს.
მოგვიანებით, პოლიციის თანამშრომლებმა ავტომობილის გაჩერება სცადეს, თუმცა ორმხრივი სროლის შემდეგ რამდენიმე თავდამსხმელმა გაქცევა შეძლო.
ოფიციალური მონაცემებით, წლის დასაწყისიდან, გროზნოს ცენტრში პოლიციასა და შეიარაღებულ მებრძოლებს შორის უკვე ოთხი დაპირისპირება მოხდა.
მაჩვენე მეტი