დედაქალაქის მერმა მედიის წარმომადგენლებს 15 ახალი ავტობუსი წარუდგინა.

ავტობუსები ხაზზე პირველ იანვარს გავლენ და მგზავრებს სტანდარტულ ფასად, 50 თეთრად მოემსახურებიან.

ავტობუსები ევროსტანდარტების შესაბამისია. იგი ეკოლოგიურად სუფთაა. MAN-ის ფირმის ევროსტანდარეტების შესაბამისი ავტობუსები შშმ პირებისა და ჩვილ ბავშვთა ეტლებისთვის სრულადაა ადაპტირებული და სპეციალური პანდუსებით არის აღჭურვილი.

აპრილის თვეში სულ 143 ახალი ავტობუსი ივლის ქალაქში. გერმანულმა კომპანიამ ავტობუსების მოწოდების მეორე ეტაპი წინმსწრებით განახორციელა.

თბილისმა პირველი ათი ავტობუსი სექტემბერში მიიღო.