ლოს-ანჯელესში დონალდ ტრამპის წინააღმდეგ 2 000-მდე ადამიანმა საპროტესტო აქცია გამართა.

დემონსტრანტები ამომრჩეველთა კოლეგიის მიერ ტრამპის ოფიციალურად არჩევას აპროტესტებდნენ. ,,შევაჩეროთ ტრამპი”, ,,მიგრანტებო კეთილი იყოს თქვენი მობრძანება”, - ამ ლოზუნგებს სკანდირებდნენ აქციის მონაწილეები.

ფედერალური კანონის თანახმად, ამომრჩეველთა კოლეგიის წევრები 19 დეკემბერს იკრიბებიან და თითოეული წევრი ხელს აწერს ექვს ასლს, რომელიც პრეზიდენტისა და ვიცეპრეზიდენტისთვის მათ მიერ მიცემულ ხმას ადასტურებს.

აღსანიშნავია, რომ 6 იანვარს აშშ-ის კონგრესმა ოფიციალურად უნდა დაითვალოს ამომრჩეველთა კოლეგიის ხმები. აღნიშნული სხდომის თავმჯდომარე აშშ-ის ვიცეპრეზიდენტი ჯო ბაიდენი იქნება.