დიდ ბრიტანეთში საფოსტო სამსახურის და სარკინიგზო კომპანიების ათასობით თანამშრომელი გაიფიცა.

სამეფო ფოსტის 3000-მდე თანამშრომელმა გაფიცვა დღეს გამოაცხადა. ფოსტის თანამშრომლები განყოფილებების დახურვას, ასევე, საპენსიო და შრომითი კანონმდებლობების ცვლილებებს აპროტესტებენ.

პარალელურად, გაფიცვა გამოაცხადეს ერთ-ერთი სარკინიგზო კომპანიის თანამშრომლებმა. აღნიშნული კომპანია ემსახურება საქალაქთაშორისო მატარებლებს, რომლებიც ლონდონს კენტის, ჰემფრშირისა და სასექსის საგრაფოებთან აკავშირებენ.

ამასთან, შობას გაფიცვის გამოცხადებას გეგმავენ ავიაკომპანია ,,ბრითიშ ეარვეისის’’ ბორტგამცილებლები, რომლებიც ხელფასების მომატებას ითხოვენ.

პროტესტის ნიშნად 23 და 24 დეკემბერს არ იმუშავებენ ბრიტანეთის 18 აეროპორტის საბარგო სამსახურის თანამშრომლებიც.