სან დიეგოს სახელმწიფო უნივერსიტეტმა საზოგადოებას ახალი უნივერსიტეტის შენობის პროექტი წარუდგინა.
ოთხსართულიანი, 4 750 კვადრატული მეტრის საგანმანათლებლო ნაგებობის მშენებლობა ვაკეში, ჩოლოყაშვილის გამზირზე, საქართველოსა და ილიას სახელმწიფო უნივერსიტეტის თანამშრომლობის ფარგლებში განხორციელდება.
შენობაში, რომელიც უახლესი ტექნოლოგიებით იქნება აღჭურვილი, განთავსდება დამატებითი საკლასო ოთახები, სამუშაო სივრცეები და საერთაშორისო სტანდარტების ელექტრული ინჟინერიისა და სამშენებლო ინჟინერიის ლაბორატორიები.
მშენებლობა 2017 წლის პირველ კვარტალში დაიწყება. პრესკონფერენციას აშშ-ს სახელმწიფო მდივნის მოადგილე ბენჯამენ ზიფი, ილიას სახელმწიფო უნივერსიტეტის რექტორი გიგა ზედანია, ათასწლეულის გამოწვევის ფონდი –საქართველოს აღმასრულებელი დირექტორი მაგდა მაღრაძე და საქართველოს განათლებისა და მეცნიერების მინისტრის მოადგილე ქეთევან ნატრიაშვილი ესწრებოდნენ.