ევროკავშირთან სავაჭრო ბრუნვა ზრდის ტრენდს ინარჩუნებს. "საქსტატის" ცნობით, იანვარ-ნოემბერში საგარეო სავაჭრო ბრუნვამ ევროკავშირის ქვეყნებთან 3 მილიარდ 86 მილიონი დოლარი შეადგინა, რაც 11%-ით მეტია წინა წლის შესაბამის მაჩვენებელზე.

ექსპორტი კვლავ მცირდება და 14-%-იანი კლების შემდეგ 513 მილიონს შეადგენს, იმპორტი კი გაზრდილია 17%-ით. რაც შეეხება დსთ-ს, ამ სივრცის ქვეყნებთან საგარეო სავაჭრო ბრუნვა წლიურად 4%-ით შემცირდა. აქედან ექსპორტი შემცირებულია 14%-ით, იმპორტი კი გაზრდილია 1%-ით. იანვარ-ნოემბერში საექსპორტო ათეულში პირველი ადგილი სპილენძის მადნებმა და კონცენტრატებმა დაიკავა და მთელი ექსპორტის 15 % შეადგინა.

მთლიანი ექსპორტის 9 % მოდის თხილის ექსპორტზე, ხოლო მესამე ადგილზე ფეროშენადნობების ჯგუფია. საექსპორტო ქვეყნებში რუსეთი, თურქეთი და ჩინეთია.