საერთაშორისო სავალუტო ფონდის ხელმძღვანელი ქრისტინ ლაგარდი პარიზის სასამართლომ თანამდებობრივ გულგრილობაში დამნაშავედ ცნო.
კერძოდ, საქმე ეხება 2008 წელს, ჯერ კიდევ საფრანგეთის საგარეო საქმეთა მინისტრობის პერიოდში, ლაგარდის თანხმობით საარბიტრაჟო სასამართლოს მიერ, სახელმწიფო ბიუჯეტისთვის ფრანგი მილიონერის ბერნარ ტაპიეს სასარგებლოდ, კომპენსაციის დაკისრებას, რაც გადასახადების გადამხდელებს 430 მილიონი ევრო დაუჯდათ.
თავად ქრისტინ ლაგარდი თავს დამნაშავედ არ ცნობს. რამდენიმე დღის წინ ჩვენების მიცემის შემდეგ, ის ვაშინგტონში გაემგზავრა და დღეს სასამართლო დარბაზში არ გამოცხადებულა. მისი ადვოკატები ვერდიქტის გასაჩივრებას გეგმავენ.
აღსანიშნავია, რომ ქრისტინ ლაგარდს, რომელსაც გამამტყუნებელი განაჩენის შემთხვევაში, ერთი წლით თავისუფლების აღკვეთა და 15 ათასი ევროს ოდენობით ჯარიმა ელოდა, სასამართლოს დადგენილებით სასჯელი არ დაეკისრება.
საერთაშორისო მედია ასევე, ყურადღებას ამახვილებს იმ ფაქტზე, რომ სპეციალურ სასამართლოს, რომელიც ქრისტინ ლაგარდის საქმეს განიხილავდა, 23 წლიანი არსებობის განმავლობაში არც ერთი განსასჯელისთვის თავისუფლების აღკვეთა არ შეუფარდებია.