პროფკავშირები ხელისუფლებას მიმართავს, საჯარო სექტორში დასაქმებული მოხელეების ნაცვლად ადმინისტრაციული ხარჯები შეამციროს.
საჯარო მომსახურეთა პროფკავშირების თავმჯდომარე აცხადებს, რომ 2017 წლის ბიუჯეტში ადამიანების შემცირება დაგეგმილი არ არის, თუმცა ამის მიუხედავად, რიგ დაწესებულებებში მაინც დაანონსდა რეორგანიზაცია-ოპტიმიზაცია.
ნუგზარ ჭინჭარაულის განცხადებით, დღევანდელი ბიუჯეტი საშუალებას იძლევა ადმინისტრაციული ხარჯები ადამიანების დათხოვნის გარეშე შემცირდეს. კადრების10%-იანი შემცირება, მისი განცხადებით, უმუშევრობის დონეს საგრძნობლად გაზრდის და ეკონომიკური მდგომარეობაც გაუარესდება.
იმ შემთხვევაში, თუ სამსახურებიდან დათხოვნა მაინც მოხდება, პროფკავშირები მზად არიან, ასეთ ადამიანებს საჭიროების შემთხვევაში სამართლებრივი დახმარება გაუწიონ.