როგორ დაეხმარება ოფიციალური თბილისი ალეპოდან დევნილებს.
სირიის მოსახლეობისთვის ჰუმანიტარული დახმარების საკითხი დავით ზალკალიანმა გაერო-ს განვითარების პროგრამის ხელმძღვანელთან განიხილა.
საგარეო საქმეთა მინისტრის მოადგილე გაერო-ს მუდმივ კოორდინატორსა და გაერო-ს განვითარების პროგრამის მუდმივ წარმომადგენელს საქართველოში ნილს სკოტს შეხვდა.
შეხვედრაზე მხარეებმა სირიაში შექმნილ მძიმე ვითარებაზე ისაუბრეს და განიხილეს საქართველოს ჩართულობა სირიის მოსახლეობისათვის ჰუმანიტარული დახმარების აღმოჩენის პროცესში.
სამინისტროს ინფორმაციით, ნილს სკოტმა მადლობა გადაუხადა ქართულ მხარეს სირიის კრიზისის აღმოფხვრასთან დაკავშირებით საერთაშორისო თანამეგობრობის მიერ გადადგმული ნაბიჯების მხარდაჭერისა და აქტიური ჩართულობისთვის. ასევე, საქართველოს მთავრობის ინიციატივისთვის ჰუმანიტარული დახმარება გაუწიოს სირიის მოსახლეობას.