ენერგეტიკული კომპანიების მიმართ მომხმარებელთა პრეტენზიების რაოდენობა იზრდება. 2016 წელს ენერგოომბუდსმენის აპარატში შესული საჩივრების რაოდენობა, 2013 წელთან შედარებით 6-ჯერ გაიზარდა.

ამის შესახებ სალომე ვარდიაშვილმა დღეს გამართულ შემაჯამებელ ბრიფინგზე განაცხადა. მისი განმარტებით, მიმართვიანობის მაჩვენებელი, მოქალაქეების სამომხმარებლო ცოდნის ამაღლებაზე და ამასთანავე სისტემაში არსებულ პრობლემებზე მიანიშნებს.

ომბუდსმენის აპარატში მომავალ გეგმებზეც ისაუბრეს და აღნიშნეს, რომ 2017 წელს მუშაობას განახლებული გეგმით დაიწყებენ, აქცენტს კი მომხმარებელთა უფლებების გაუმჯობესებაზე გააკეთებენ.