ქართველების დეპორტაციის საქმეზე სტრასბურგის სასამართლომ კიდევ ერთი გადაწყვეტილება გამოაცხადა.

ევროპის სასამართლოში აცხადებენ, რომ რუსეთის ფედერაციამ დაარღვია ადამიანის უფლებები, როდესაც 2006 წლის შემოდგომაზე ქართველი დედა, შვილებთან ერთად, ქვეყნიდან გამოაძევა.

ევროპის ადამიანთა უფლებების სასამართლომ დაადგინა, რომ, საქმეზე სახელწოდებით"შიოლაშვილი და სხვები რუსეთის წინააღმდეგ", ადგილი ჰქონდა 3 მუხლის დარღვევას.

არაადამიანური და დამამცირებელი მოპყრობა, დაცვის ეფექტიანი საშუალების უფლება და ქვეყნიდან კოლექტიური გაძევების აკრძალვა - საქმე ეხება რუსეთიდან გაძევებულ ორსულ ქალბატონს, რომელიც მეზობელი ქვეყნის ტერიტორიაზე ოთხ შვილთან ერთად ცხოვრობდა.

2006 წლის შემოდგომაზე ფეხმძიმე დედა და 4 შვილი ქვეყნიდან გამოაძევეს, თუმცა ისინი 2 კვირის განმავლობაში ძალიან მძიმე პირობებში რუსეთში რჩებოდნენ. საქართველოში ჩამოსვლის შემდეგ დედამ მკვდრადშობილი შვილი დაბადა.

სასამართლომ აგრეთვე დააკმაყოფილა საქართველოს რამდენიმე მოქალაქის სარჩელიც. მათ უფლებებს "კონსტიტუციის 42 მუხლი" იცავდა.