გადაწყვეტილება, რომელსაც რუსეთიდან დეპორტირებული ოჯახები 10 წელი ელოდნენ. ადამიანის უფლებათა ევროპულმა სასამართლომ თბილისიდან გაგზავნილი სამი სარჩელი დააკმაყოფილა.

შედეგად, რუსეთმა საქართველოს 19 მოქალაქეს ფულადი კომპენსაციები უნდა გადაუხადოს. საუბარია იმ ადამიანებზე, რომლებიც 2006 წელს რუსეთიდან დეპორტაციის დროს დაზარალდნენ.

სტრასბურგის სასამართლომ რუსეთი მოსარჩელეების მიმართ რამდენიმე მუხლში ცნო დამნაშავედ. თუმცა ქართულ არასამთავრობო ორგანიზაციას, რომელიც მოსარჩელეთა ნაწილის ინტერესებს იცავდა, სასამართლოს მიმართ გარკვეული შენიშვნები აქვს.