რუსეთის ელჩის მკვლელობის შემდეგ აქტიურდება შეკითხვა - მოახდენს თუ არა გავლენას დიპლომატზე თავდასხმა რუსულ-თურქულ ურთიერთობებზე, რომელიც ცოტა ხნის წინ გაუმჯობესდა.

ოფიციალური მოსკოვი და ანკარა თავდასხმის მიღმა ორი ქვეყნის ურთიერთობის გამწვავების მცდელობას ხედავს. ამ განცხადებების ფონზე ქართველი პოლიტიკოსები და ექსპერტები რუსეთსა და თურქეთს შორის დაძაბულობას არ ელოდებიან, თუმცა მომავალში გარკვეულ საფრთხეებზე მაინც მიანიშნებენ.

ამ შემთხვევაში აქცენტი თურქეთის ნატო-ში ყოფნაზე და სირიაში მიმდინარე მოვლენებზე კეთდება.