შეერთებული შტატები კატეგორიულად გამორიცხავს რუსი დიპლომატის მკვლელობაში რაიმე სახის მონაწილეობას. ამის შესახებ სახელმწიფო დეპარტამენტის წარმომადგენელმა განაცხადა.
მისი თქმით, მხოლოდ იმის გამო, რომ შეერთებულ შტატებში ცხოვრობს ოპოზიციონერი ფეთჰულა გიულენი, რომელთან მკვლელის შესაძლო კავშირსაც თურქი სამართალდამცველები შეისწავლიან, არ იძლევა საფუძველს, რომ ამერიკა რაიმე კავშირშია დიპლომატის მკვლელობასთან.
ელჩის მკლელობას გმობს თავად ფეთჰულა გიულენიც და მის კავშირს გამორიცხავს.
თურქმა სამართალდამცველებმა რუსი დიპლომატის მკვლელობასთან კავშირში მყოფი სულ 12 პირი დააკავეს. მათ შორის თავდამსხმელის ნათესავები და ფეთჰულა გიულენის მხარდამჭერებიც არიან.
დაკავებულთა შორის 6 თავდამსხმელის ნათესავია, მათ შორის მკვლელის მევლუთ ანთილთაშის ბიძაც, რომელიც მოგვიანებით გაათავისუფლეს. დაკავებულია ასევე ის 4 პოლიციელი, რომლებიც სამსახურში ალთინთაშთან ერთად დააკავეს.