"ცენტრ-პოინტის" საქმეზე კომაპანიის დამფუძნებელი და ხელმძღვანელი მაია რჩეულიშვილი მოსამრთლემ პატიმრობაში დატოვა. საპატიმრო ღონისძიება უცვლელი დარჩა გურამ რჩეულიშვილის შემთხვევაშიც.
დაცვის მხარე, ჯანმრთელობის მდგომარეობის გაუარესების მოტივით, მაია რჩეულიშვილისთვის 50- ათასლარიანი გირაოს შეფარდებას მოითხოვდა.
პროცესზე პროკურატურის მიერ გამოთხოვილი სამედიცინო დოკუმენტაციაც განიხილეს. პარალელურად, მაია რჩეულიშვილის წინააღმდეგ ჩვენება მისცა ამავე საქმეზე ბრალდებულმა სალომე ჩარკვიანმა.
მოწმის მტკიცებით, კომპანიიდან თანხების გატანაზე დოკუმენტებს ის მაია რჩეულიშვილის დავალებით აწერდა ხელს. სამსახურიდან მისი წასვლის შემდეგ კი პროცესი კვლავ გაგრძელდა, თუმცა მოწმისთვის უცნობია, ვინ აწერდა დოკუმენტებს ხელს მის ნაცვლად.