ტელეკომპანია ,,იბერიის” ჟურნალისტის საქმეს სახალხო დამცველი ეხმაურება. ომბუდსმენი მთავარ პროკურატურას ობიექტური გამოძიების ჩატარებისკენ მოუწოდებს და ბრალდების დადასტურების შემთხვევაში, დამნაშავის უმკაცრესად დასჯას ითხოვს.

ცემაში დადანაშაულებული პოლიციელისთვის უფლებამოსილების დროებით შეჩერებას უჩა ნანუაშვილი დადებითად აფასებს, თუმცა მსგავსი საქმეების გაჭიანურების პრაქტიკაზე მიუთითებს.

ჟურნალისტი გიორგი გასვიანი ბორჯომის რაიონული პოლიციის თანამშრომელს სიტყვიერ და ფიზიკურ შეურაცხყოფასა და იარაღით მუქარაში სდებს ბრალს. ინციდენტი რამდენიმე დღის წინ ბორჯომში მოხდა.