„ჩიკაგო ბულზის" მეოთხე მარცხი ბოლო ხუთ შეხვედრაში. ფრენკ ჰოიბერგის გუნდი მიმდინარე თვეში არასტაბილურ თამაშს განგრძობს.

დღეს, დილით, რეგულარული სეზონის მორიგ მატჩში, ჩიკაგოელებმა საკუთარ დარბაზში „ვაშინგტონ ვიზარდსთან" წააგეს.

სტუმრებმა გადამწყვეტ უპირატესობას უკანასკნელ მეოთხედში მიაღწიეს და საბოლოოდ, თამაში ანგარიშით 107-97 მოიგეს.

„ვიზარდსის" შემადგენლობაში, ჯონ ვოლი და ბრედლი ბილი გამოირჩნენ, რომლებმაც ჯამში 44 ქულა გააკეთეს. ეს მიმდინარე სეზონში, ვაშინგტონის მე-13 გამარჯვება გამოდგა.

დედაქალაქური გუნდი აღმოსავლეთ კონფერენციაში, პლეი ოფის ზონაში არ იმყოფება. „ჩიკაგო ბულზი" კი მეექვსე ადგილამდე ჩამოქვეითდა.