ქობულეთის მუსლიმური პანსიონის საქმის განხილვას ქუთაისის სააპელაციო სასამართლო 29 დეკემბერს განაახლებს, საბოლოო გადაწყვეტილებას კი ერთ კვირაში გამოცხადებს.

სასწავლებლის ინტერესებს „ადამიანის უფლებების სწავლებისა და მონიტორინგის ცენტრი“ იცავს.

2016 წლის 19 სექტემბერს, ბათუმის საქალაქო სასამართლომ დისკრიმინაციის ფაქტი დაადგინა და ზიანის სიმბოლური ანაზღაურების ვალდებულებაც განსაზღვრა, თუმცა შინაგან საქმეთა სამინისტრო გაამართლა.

„ი-ემ-სი" სწორედ საქმის ამ ნაწილს ასაჩივრებს. ბათუმის საქალაქო სასამართლოს გადაწყვეტილება იმ ადამიანებმაც გაასაჩივრეს, რომელთა მოქმედებაც სასამართლომ დისკრიმინაციულად მიიჩნია.