ევროსტრუქტურებთან ერთწლიანი მოლაპარაკებების წარმატებული ფინალი: საქართველოს ახალი საერთაშორისო სტატუსი ექნება. ქვეყანა ევროპოლის პარტნიორი გახდება. ეს კი შინაგან საქმეთა სამინისტროს უფლებას მისცემს, რომ ევროპის პოლიციის სამსახურის ფარგლებში მიმდინარე საგამოძიებო მოქმედებებში ჩაერთოს.

ევროპოლის შტაბბინაში ოფიციალურ თბილისს საკუთარი მეკავშირე-ოფიცერიც ეყოლება.

საერთაშორისო პოლიციური ინსტიტუტი, რომელიც ორგანიზებულ დანაშაულთან საბრძოლველად ევროკავშირის წევრი ქვეყნების სამართალდამცავ უწყებებს აერთიანებს, 1998 წლიდან მოქმედებს.