ყრილობის მოახლოებასთან ერთად ,,ნაციონალურ მოძრაობაში” შიდა დაპირისპირება პიკს აღწევს. ამჯერად უთანხმოების მიზეზი მიხეილ სააკაშვილის მხარდამჭერების მიერ შექმნილი ახალი კომისიაა, რომელმაც 20 იანვრის ყრილობის ჩატარების წესები პოლიტსაბჭოს გვერდის ავლით უნდა განსაზღვროს.
თუმცა ბოკერია-ბაქრაძის გუნდი კომისიას თვითგამოცხადებულ ჯგუფად მოიხსენიებს და ყოფილი პრეზიდენტის ღია კრიტიკაზე გადადის.
გივი თარგამაძე ოდესის ყოფილ გუბერნატორს პარტიაში გადატრიალების მცდელობაში ადანაშაულებს, დავით დარჩიაშვილი კი პოლიტიკურ გაერთიანებას დასრულებულად აცხადებს. შექმნილ ვითარებაში ლიდერთა ნაწილი პარტიის დაშლასაც არ გამორიცხავს.
გურამ როგავა მუშაობს ,,ნაციონალური მოძრაობის” ოფისთან, სადაც რამდენიმე საათია ე.წ. ბოკერიას გუნდი კონსულტაციებზეა შეკრებილი.