იტალიის საფეხბურთო ჩემპიონატში პირველი წრის დასკვნითი ტურის შეხვედრები ჩატარდა. ბოლო ხუთი თამაშიდან მეოთხე მატჩი მოიგო "რომამ".

ლუჩანო სპალეტის გუნდმა, გუშინ საკუთარ სტადიონ ოლიმპიკოზე ვერონას "კიევო" დაამარცხა. აღსანიშნავია, რომ, თავიდან სტუმრები დაწინაურდნენ, ზუსტად დე გუზმანმა დაარტყა. პირველი ტაიმის დამატებულ წუთზე, შტეფან ელ შაარავმა წონასწორობა აღადგინა.

მეორე ნახევრში, რომაელები სრულ სათამაშაო უპირატესობას დაეუფლნენ და კიდევ ორჯერ აიღეს მეტოქის კარი.

52-ზე ჯერ ბოსნიელმა ედინ ჯეკომ გაიტანა, ხოლო, 93-ე წუთზე, არგენტინელმა დიეგო პეროტიმ თამაშს საბოლოო წერტილი დაუსვა. 3-1 ჯალ-როსის გამარჯვება. რომამ სერია “ა”-ს პირველი წრე 38 ქულით მეორე ადგილზე დაასრულა.