რუსეთის პრეზიდენტი ყოველწლიურ პრესკონფერენციას მართავს. ვლადიმერ პუტინი ჟურნალისტების შეკითხვებს პასუხობს. მას შეკითხვა ამერიკის საპრეზიდენტო არჩევნებზე და ამ პროცესში რუსეთის ჩართულობაზე დაუსვეს.
რუსეთის პირველმა პირმა განაცხადა, რომ ამერიკის დღევანდელი ადმინისტრაცია მის წარუმატებლობას გარე ფაქტორებს უკავშირებს.
,,ამ თემაზე არაერთხელ ვისაუბრე. ამერიკის დღევანდელ ადმინისტრაციას სურს ყველა მისი წარუმატებლობა გარე ფაქტორებს დაუკავშიროს’’,- განაცხადა პუტინმა.
შეკითხვა რუსეთ-თურქეთის ურთიერთობაზე, რამდენიმე თვის წინ ჩამოგდებულ რუსულ თვითმფრინავზე და ელჩის მკვლელობაზეც დაუსვეს, რაზეც პუტინმა უპაუხა, რომ ადრე სკეპტიკურად იყო განწყობილი და თვლიდა, რომ თვითმფრინავის ჩამოგდების უკან თურქეთის ხელისუფლება იდგა, ბოლო მოვლენების შემდეგ კი აზრი შეიცვალა და თვლის, რომ ეს ყველაფერი მიზნად ემსახურება ორი ქვეყნის ურთიერთობის გაფუჭებას.