შეერთებულმა შტატებმა გერმანული "დოიჩე ბანკი" და შვეიცარული "კრედიტ სვისი", შტატებში 2008 წლის ფინანსური კრიზისის დროს რისკიანი ვალების გაყიდვისთვის, საერთო ჯამში, 12 მილიარდი დოლარით დააჯარიმა.

ეს ჯარიმა დამატებით პრობლემებს უქმნის აღნიშნულ ბანკებს, რომლებიც ისედაც შემცირებულ მოგებას უჩივიან.

სანამ საკითხს ბანკის მენეჯმენტი განიხილავს, "კრედიტ სვისი" ჯარიმას ნაწილობრივ გადაიხდის, "დოიჩე ბანკი" უკვე დათანხმდა 7.2 მილიარდი დოლარის მოცულობის ჯარიმის გადახდას.

შტატების იუსტიციის დეპარტამენტი მსგავს ბრალდებას, ბრიტანულ "ბარკლის" ბანკსაც უყენებს, თუმცა ეს უკანასკნელი ბრალდებას არ აღიარებს და თავის დაცვას აპირებს.