ხელვაჩაურში 200-მდე ოჯახი, რომელთა საცხოვრებელ ტერიტორიაზე ცენტრალური ავტომაგისტრალი უნდა გავიდეს, კომპენსაციის ოდენობის გაზრდას ითხოვს.

დღეს მათ საპროტესტო აქცია აჭარის მთავრობასთან გამართეს და ცენტრალურ სტრუქტურებთან შუამდგომლობა სთხოვეს.

აქციის მონაწილეები ადასტურებენ, რომ კვადრატულ მეტრ საცხოვრებელ ფართში ათას ლარს უხდიან, თუმცა ლარის კურსის დაცემის გამო მათ ეს რაოდენობა აღარ აკმაყოფილებთ და აცხადებენ, რომ სახლების დემონტაჟის უფლებას საგზაო დეპარტამენტს არ მისცემენ.

ისინი ამტკიცებენ, რომ უწევთ გარემონტებული ფართების დატოვება, სანაცვლოდ კი, დღევანდელი ღირებულებიდან გამომდინარე,, მხოლოდ შავი კარკასის შეძენას მოახერხებენ.