საკონსტიტუციო სასამართლოში კიდევ ერთი სარჩელი შედის. ავტორი რვა რელიგიური გაერთიანებაა, რომლებიც საგადასახადო კოდექსის რამდენიმე ნორმის არაკონსტიტუციურად გამოცხადებას ითხოვენ.

მოსარჩელეების აზრით, მართლმადიდებელი ეკლესიის დღგ-ს, მოგების და ქონების გადასახადებისგან გათავისუფლება სხვა რელიგიურ ორგანიზაციებს უთანასწორო პირობებში აყენებს.

სარჩელში გასაჩივრებული ნორმები 2002 წელს სახელმწიფოსა და ავტოკეფალურ მართლმადიდებელ ეკლესიას შორის გაფორმებული კონსტიტუციური შეთანხმებითაა განსაზღვრული.