გერმანიის კანცლერმა ანგელა მერკელმა განაცხადა, რომ ქვეყნიდან ტუნისის იმ მოქალაქეების დეპორტაციას დააჩქარებს, რომლებმაც ლტოლვილის სტატუსი ვერ მიიღეს,- ამის შესახებ მერკელმა ტუნისის პრეზიდენტთან საუბრისას განაცხადა.
"მე ვუთხარი ტუნისის პრეზიდენტს, რომ ჩვენ იძულებული ვართ დეპორტაციის პროცესი დავაჩქაროთ, ასევე გავზარდოთ იმ ადამიანების რიცხვი, რომლებსაც უკან დააბრუნებენ”, - აღნიშნა კანცლერმა.
ბერლინის საშობაო ბაზრობაზე თავდასხმაში მთავარი ეჭმიტანილი, ტუნისელი ანის ამრი გერმანიაში თავშესაფრის მაძიბელი იყო. მას ლტოლვილის სტატუსის მინიჭებაზე უარი განუცხადეს, თუმცა მისი ტუნისში დეპორტაცია ვერ ხერხდებოდა, რადგან ამ ქვეყნის ხელისუფლება მას თავის მოქალაქედ არ აღიარებდა.
24 წლის ანის ამრი 22 დეკემებერს იტალიის პოლიციამ მილანის ერთ-ერთ გარეუბანში ორმხრივი სროლის დროს მოკლა.