ლიბიური თვითმფრინავის გამტაცებლებმა ბუტაფორიული იარაღი გამოიყენეს. ამის შესახებ “ტვიტერში” მალტის პრემიერმინისტრმა დაწერა.
ორმა გამტაცებელმა თვითმფრინავი, რომლის ბორტზე 111 მგზავრი და ეკიპაჟის შვიდი წევრი იყო, ლიბიიდან მალტის საერთაშორისო აეროორტში ჩაიყვანა.
გამტაცებლები თავის აფეთქებით იმუქრებოდნენ. რამდენიმე საათიანი მოლაპარაკების შედეგად, მათ მძევლები გაათავისუფლეს, თავად კი პოლიციას ჩაბარდნენ. უცნობია, რას ითხოვდნენ გამტაცებლები.
თვითმფრინავი ლიბიაში შიდა რეისს ასრულებდა. გავრცელებული ინფორმაციით, გამტაცებლები ლიბიის ყოფილი ლიდერის მუამარ კადაფის მხარდამჭერები არიან.
თვითმხილველების მონაყოლით, თვითმფრინავის ტრაპზე გამოსვლისას ერთ-ერთმა მათგანმა მწვანე დროშა ააფრიალა, რომელიც კადაფის მმართველობის დროს გამოიყენებოდა.