"ტრამპის კომპანია, საჩივრების გამო, გარიგებებს აჩერებს" – ამ სათაურით აქვეყნებს სტატიას ამერიკული გამოცემა “ვოლ სთრით ჯორნალი”.
გამოცემა წერს, რომ გარიგებები შეჩერებულია ქართველ დეველოპერ გიორგი რამიშვილთან, რომელთანაც პარტნიორობის დაწყების შესახებ 4 წლის წინ გახდა ცნობილი.
სტატიაში აღნიშნულია, რომ რამიშვილი ტრამპის ბრენდით მდიდრული საცხოვრებელი კომპლექსის აშენებას შავი ზღვის საკურორტო ქალაქ ბათუმში გეგმავდა, თუმცა ამერიკიდან თანამშრომობის შეწყვეტის ცნობა მიიღო.
“ვოლ სთრით ჯორნალის” ინფორმაციით, ტრამპის კომპანიისათვის პრობლემატური საკითხი დეველოპერ გიორგი რამიშვილის წარსული გახდა. სტატიაში ასევე აღნიშნულია, რომ 2013 წელს რამიშვილის კომპანია “სილქ როუდ გრუპის” წინააღმდეგ ფულის გათეთრების ბრალდებით გამოძიებაც იყო დაწყებული.