30 წლიანი პაუზის შემდეგ, კურორტი მიტარბი ვიზიტორებს ისევ მიიღებს. კურორტს ოფიციალურად საქართველოს პრემიერმინისტრი გიორგი კვირიკაშვილი, მთავრობის წევრებთან ერთად გახსნის.

დაბა მიტარბის ტერიტორიაზე ორი ახალი საბაგირო იმუშავებს. ასევე, აშენდება 2000 საწოლზე გათვლილი ტურისტული ინფრასტრუქტურა - სასტუმროები, კოტეჯები, კვებისა და გასართობი ობიექტები, რაც ხელს შეუწყობს სამთო-სათხილამურო ტურიზმის განვითარებას ბაკურიანში.

პროექტი სახელმწიფოსა და კერძო სექტორის პარტნიორობით ხორციელდება. კოხტა-მიტარბის საბაგიროების მშენებლობის პროექტი მთავრობამ 48 მილიონი ლარით დააფინანსა, კერძო ინვესტორი, კომპანია „ახალი მიტარბი“ კი 70 მილიონი ლარის ინვესტიციას განახორციელებს.

თემის დეტალებით ნინო ფისაძეა „მოამბის" ეთერში.