თბილისში ისრაელის ოფიციალური დელეგაციის მონაწილეობით, ხანუქას დღესასწაული აღინიშნა.

თარიღთან დაკავშირებით, „ისრაელის სახლმა”, ოპერის სახელმწიფო თეატრში სამწლიანი მუშაობის შედეგების პრეზენტაცია გამართა.

ღონისძიებაზე სიტყვით გამოვიდა საქართველოს პრემიერი გიორგი კვირიკაშვილი.

მთავრობის მეთაურმა ებრაელ ხალხს დღესასწაული მიულოცა და მათ წინსვლა და კეთილდღეობა უსურვა. კვირიკაშვილმა ორი ქვეყნის მეგობრული ურთიერთერთობების შესახებ ისაუბრა.

დელეგაციის წევრებმა კი აღნიშნეს, რომ საქართველოსთან თანამშრომლობის გაძლიერება გახდა ნიმუში ისრაელისთვის სხვა მეგობარ ქვეყნებთან ურთიერთობაში.

შეხვედრას საქართველოს და ისრაელის საგარეო საქმეთა მინისტრებიც ესწრებოდნენ.