სოფელ მოხეში სკოლის მოსწავლეებმა პროტესტის ნიშნად სწავლა შეწყვიტეს. ისინი სოლიდარობას მუსლიმ გოგონას უცხადებენ. როგორც მოსწავლეები ამბობენ, მიზეზი რამდენიმე დღის წინ მომხდარი შემთხვევა გახდა. სკოლის დირექტორმა მეთორმეტე კლასელ გოგონას სკოლაში თავსაფრით მისვლა აუკრძალა.

როგორც მუსლიმი თემი, ისე მართლმადიდებელი მოსახლეობა ვითარების შესასწავლად ადგილზე უფლებადამცველებისა და მთავრობის წარმომადგენლების ჩასვლას ითხოვს.

კომენტარებს მომხდართან დაკავშირებით „მოამბის" მომდევნო გამოშვებებში შემოგთავაზებთ.