ინტერესთა კონფლიქტის გამორიცხვის მიზნით, ამერიკის ახლადარჩეული პრეზიდენტი დონალდ ტრამპი თავისი საქველმოქმედო ფონდის დახურვის პირობას დებს. ტრამპის შტაბის განცხადებით, ფონდი საქმიანობის სრულად შეწყვეტას აპირებს, თუმცა, კონკრეტული ვადები არ სახელდება.

პარალელურად, ნიუ-იორკის გენერალური პროკურატურა, განმარტავს, რომ მოცემულ ეტაპზე ფონდის ლიკვიდაცია არ შეიძლება, რადგან ფონდთან დაკავშირებით მიმდინარეობს გამოძიება და ორგანიზაცია მხოლოდ მისი დასრულების შემდეგ შეიძლება დაიხუროს.

არსებობს ვარაუდი, რომ ფონდი კანონდარღვევით ოპერირებდა და მისი საქმიანობა რამდენჯერმე სკანდალის მიზეზიც გახდა.