ბოლო ერთ თვეში, ბანკებში სესხების ლარიზაცია მხოლოდ 0.25 %-ით გაიზარდა და პირველი დეკემბრის მდგომარეობით მთლიანი სესხების 35% შეადგინა.

ეროვნული ბანკის სტატისტიკით ირკვევა, რომ ნოემბერში, წინა თვესთან შედარებით, ბანკების მთლიანი აქტივები მილიარდ 200 მილიონი ლარით ანუ 4.4 პროცენტით გაიზარდა, მაშინ, როცა გაცვლითი კურსის ეფექტის გარეშე ზრდა მხოლოდ 1.3 პროცენტი იყო.

ამავე პერიოდში, ლარში გაცემული სესხების მოცულობა 166 მლნ ლარით გაიზარდა. რაც შეეხება უცხოური ვალუტით გაცემული სესხების მოცულობას, ის გაზრდილია 724.7 მლნ ლარით, ანუ 6.7 პროცენტით; გაცვლითი კურსის ეფექტის გარეშე კი ზრდა მხოლოდ 1.6 პროცენტია.