წელს ეროვნულმა ბანკმა სავალუტო ბაზრიდან იმდენივე დოლარი შეიძინა, რაც გაყიდა. წლის დასაწყისიდან ბაზარზე, სავალუტო ინტერვენცია 24-ჯერ განხორციელდა და ბანკმა 278 მლნ დოლარზე ოდნავ მეტი იყიდა, 280 მილიონი დოლარი კი გაყიდა, მათ შორის 40 მლნ გასულ კვირას.

აღსანიშნავია, რომ წლის დასაწყისიდან ლარი დოლარის მიმართ 14.8%-ით გაუფასურდა. ლარი/დოლარის გაცვლითი კურსის ისტორიული მინიმუმი კი 22 დეკემბერს დაფიქსირდა 2 და 78. პიკური გაუფასურების შემდეგ კი ლარი მცირედით მყარდება.

ბლუმბერგის სავაჭრო სისტემაში ვაჭრობა 2 და 74 თეთრზე გაიხსნა და თბილისის დროით სამი საათისთვის 2 ლარად და 70 თეთრად ივაჭრება.

ვალუტის გადამცვლელ ჯიხურებში ერთი დოლარის ყიდვა ამ დროისთვის 2 ლარად და 71-72 თეთრად არის შესაძლებელი, კომერციულ ბანკებში კი, დოლარს 2 ლარი და 73 თეთრიდან 2 ლარად და 75 თეთრად ყიდიან.