კახეთში, ძველი და ახალი შუამთის მიმდებარედ, ტურისტული ინფრასტრუქტურის სამუშაოები დასრულდა.

კულტურული მემკვიდრეობის ძეგლთან ვიზიტორთა საინფორმაციო ცენტრი გაიხსნა. ასევე, სუვენირების მაღაზია, საპირფარეშოები, საფეხმავლო ბილიკები და ავტოსადგომი.

მშენებლობა-რეაბილიტაციას ერთი წელი დასჭირდა და მისმა ღირებულებამ 1 871 000 ლარი შეადგინა.

პროექტი საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდისა და მსოფლიო ბანკის დაფინანსებით განხორციელდა.