გიგა ოთხოზორიას მკვლელობაში ბრალდებულ რაშიდ კანჯიოღლის ზუგდიდის რაიონულმა სასამართლომ 12 წლით თავისუფლების აღკვეთა მიუსაჯა.

განაჩენი მოსამართლემ რამდენიმე წუთის წინ გამოაცხადა.

აღნიშნულ საქმეზე სასამართლო განხილვები ბრალდებულის გარეშე ტარდებოდა. მასზე ოფიციალურ თბილისს ძებნა აქვს გამოცხადებული.

გამოძიების ინფორმაციით, მიმდინარე წლის 19 მაისს ზუგდიდის რაიონის სოფელ ხურჩაში რაშიდ კანჯიოღლიმ გიგა ოთხოზორიას რამდენჯერმე ესროლა.

საქმე განზრახ მკვლელობისა და იარაღის უკანანო შეძენა-შენახვა-ტარების მუხლით აღიძრა.