ოპოზიციის პროგნოზი არ გამართლდა. ლარის გაუფასურება დენის სამომხმარებლო ტარიფზე არ აისახება.
სემეკმა 2017 წელს მოსახლეობისთვის ელექტროენერგიის საფასური უცვლელად დატოვა. ცვლილება მხოლოდ კერძო სექტორს შეეხო.
მომავალ წელს, კომერციული ფირმების ნაწილს, საშუალოდ, ნახევარ თეთრამდე მეტი თანხის გადახდა მოუწევთ.
ენერგეტიკის მარეგულირებელი კომისიის გადაწყვეტილებას უკვე მოჰყვა პრეტენზიები. განსაკუთრებით უკმაყოფილოა „ენერგო-პრო ჯორჯია", რომელიც ლარის კურსის და აქციზის გადასახადის მატების ფონზე მოსალოდნელ ზარალზე საუბრობს. შენიშვნები აქვთ „თელასშიც”.
სწორედ მათი პროტესტიდან გამომდინარე, სპეციალისტებს აინტერესებთ, ხომ არ შექმნის სამომხმარებლო ტარიფის უცვლელად დატოვება უწყვეტი ენერგომომარაგების მხრივ გარკვეულ პრობლემებს.