ფილიპინების აღმოსავლეთ ნაწილს ტაიფუნმა „ნოკ-ტენმა” გადაუარა.

დასავლური მედიის ცნობით, სტიქიას სულ მცირე ოთხი ადამიანი ემსხვერპლა. ტაიფუნის მოახლოებამდე სანაპირო რაიონებიდან დაახლოებით 218 000 მოქალაქის ევაკუაცია მოხდა. ადგილობრივები დროებით თავშესაფრებში გადაიყვანეს.

ივლისიდან დეკემბრის ჩათვლით, ფილიპინებს ყოველწლიურად დაახლოებით 20 ტაიფუნი ატყდება თავს. თუმცა ქვეყნის ისტორიაში ყველაზე ტრაგიკული 2013 წელი გახდა. მაშინ სუპერტაიფუნმა „ჰაიანმა” 6000-ზე მეტი ადამიანი იმსხვერპლა. ამასთან, სტიქიამ 200 000 სახლი გაანადგურა.