აშშ-ის პრეზიდენტი ბარაკ ობამა ფიქრობს, რომ 2016 წლის საპრეზიდენტო არჩევნებზე მონაწილეობის მიღება რომ შეძლებოდა, გამარჯვებას შეძლებდა, ვინაიდან ამერიკელების უმეტესობა მის ხედვებს მხარს უჭერს.

„მე მჯერა პროგრესული ცვლილებების. არჩევნებში მონაწილეობა რომ მიმეღო, შევძლებდი ამერიკელების უმეტესობის მობილიზებას ამ ხედვის ირგვლივ“, - განაცხადა ბარაკ ობამამ.

რაც ეხება არჩევნებში ჰილარი კლინტონის მონაწილეობას, ობამამ განაცხადა, რომ ჰილარიმ „ბრწყინვალედ იმოქმედა ძალიან რთულ პირობებში“, თუმცა მედიისგან კარგი დამოკიდებულება არ მიიღო. „ვფიქრობ, მასთან მიმართებაში ორმაგი სტანდარტები მოქმედებდა“, - დასძინა ობამამ.