საქართველოს მოქალაქეები ევროკავშირისა და შენგენის ქვეყნებში უვიზოდ მიმოსვლას ადრეული გაზაფხულიდან შეძლებენ,- ამის შესახებ განცხადება ევროინტეგრაციის მინისტრმა გააკეთა.

ვიქტორ დოლიძის თქმით, მას მოვლენების პოზიტიურად განვითარების იმედი აქვს. პროცედურულად დარჩენილია ლიბეს კომიტეტში კენჭისყრა საკითხის დადებითად გადასაწყვეტად, მომდევნო კენჭისყრა უკვე ევროპარლამენტში გაიმართება.

დადებითად გადაწყვეტის შემთხვევაში კი, მხოლოდ ევროპარლამენტის პრეზიდენტისა და მოქმედი თავმჯდომარე ქვეყნის წარმომადგენლის ხელმოწერები დარჩება.