თვითმფრინავის ჩამოვარდნის მთავარ მიზეზად ტერორისტული აქტის ვერსია არ განიხილება, – ამის შესახებ რუსეთის ტრანსპორტის მინისტრმა განაცხადა.

დღეს სპეციალისტებმა შავ ზღვაში ჩამოვარდნილი “ტუ-154”-ის ტიპის რუსული თვითმფრინავის ძრავი და დაშვების სისტემის დეტალები აღმოაჩინეს. მყინთავებმა მფრინავის ცხედარიც იპოვეს. ასევე, ნანახია ერთ-ერთი ე.წ. შავი ყუთი, რომელსაც უკვე შიფრავენ.

მყვინთავებმა ასევე შეძლეს თვითმფრინავის კორპუსის უკანა ნაწილის აღმოჩენა. პარალელურად კი მოსკოვში გადასვენებული მგზავრებიდან ერთ-ერთის იდენტიფიცირება განხორციელდა.

სამძებრო ოპერაციებში 200-მდე მყვინთავი მონაწილეობს. ასევე მობილიზებულია 45 ხომალდი და კატარღა. 15-მდე სპეცტექნიკა.

"ტუ-154-მა" კატასტროფა 25 დეკემბერს გამთენიისას განიცადა. ის სოჭის აეროპორტიდან აფრენის შემდეგ 2 წუთში რადარებიდან გაქრა.